Kæru vinir.

Í ljós hefur komið að fyrir mistök hjá framleiðanda reyndust reimar í barnapeysunum okkar vera of langar og standast þær því ekki kröfur sem gerðar eru til slíkra aukahluta í fatnaði. UNICEF á Íslandi setur eðlilega öryggi í algjöran forgang og hefur brugðist strax við ábendingum um þessi mistök og höfum við ráðfært okkur við Neytendastofu. Samkvæmt upplýsingum sem fengust frá stofnuninni biðjum við því alla kaupendur, sem fengið hafa peysur afhentar, að fjarlægja þegar reimarnar úr peysunum, eða skila þeim gegn fullri endurgreiðslu. Sömuleiðis mun UNICEF á Íslandi fjarlægja reimar úr öllum ósendum pöntunum á barnapeysum.

UNICEF á Íslandi hefur sent öllum þeim sem keypt hafa peysur póst þar sem þeim er tilkynnt um þessa valmöguleika. Við biðjumst innilegrar afsökunar á þessum mistökum.