Hringdu í 907-3012 og gefðu 3.000 krónur.

Söfnunarreikningur fyrir frjáls framlög: 701-26-102050 kennitala: 481203-2950

Við tökum einnig við styrkjum í gegnum AUR appið í númerið 123-787-2332 eða með því að skrifa @jemen

Stríð, efnahagsleg óvissa og endurteknar hamfarir hafa gert Jemen að einum versta stað í heimi til að vera barn. Eftir meira en áratug af átökum er mannúðarástandið enn eitt það alvarlegasta í heiminum.

Um 9,8 milljónir barna þurfa á mannúðaraðstoð að halda og milljónir fjölskyldna glíma við hungur, vannæringu, skort á heilbrigðisþjónustu og takmarkað aðgengi að hreinu vatni. Talið er að um hálf milljón barna muni þurfa meðferð við lífshættulegri bráðri vannæringu á þessu ári.

Átökin hafa einnig haft gríðarleg áhrif á framtíð barna. Um 4,5 milljónir barna eru utan skólakerfisins og milljónir standa frammi fyrir aukinni hættu á ofbeldi, misnotkun, barnahjónaböndum og öðrum brotum á réttindum þeirra.

UNICEF hefur starfað í Jemen í áratugi og er áfram á vettvangi við afar krefjandi aðstæður. Með stuðningi gjafa veitum við börnum og fjölskyldum aðgang að næringu, heilbrigðisþjónustu, hreinu vatni, hreinlætisaðstöðu, menntun og vernd.

Börn í Jemen þurfa á stuðningi okkar að halda sem aldrei fyrr.