Viðurkenningar á Íslandi

Viðurkenning Réttindaskóla og -frístundar er veitt árlega á alþjóðadegi barna, 20. nóvember. Árið 2017 fengu fyrstu skólarnir og frístundaheimilin viðurkenningu og voru Laugarnesskóli, Flataskóli, Krakkakot og Laugasel svo fyrst til að hljóta viðurkenninguna í annað sinn árið 2019.

  • Laugarnesskóli og frístundaheimilið Laugarsel (2017, endurmat 2019, 2022)
  • Flataskóli og frístundaheimilið Krakkakot (2017, endurmat 2019, 2022)
  • Laugalækjarskóli og félagsmiðstöðin Laugó (2018, endurmat 2021)
  • Frístundaheimilið Dalheimar (2018, endurmat 2022)
  • Frístundaheimilið Frostheimar (2019, endurmat 2023)
  • Grandaskóli og frístundaheimilið Undraland (2019)
  • Melaskóli og frístundaheimilið Selið (2019, endurmat 2023)
  • Hagaskóli og félagsmiðstöðin Frosti (2019)
  • Vesturbæjarskóli og frístundaheimilið Skýjaborgir (2019, endurmat 2022)
  • Giljaskóli (2020, endurmat 2023)
  • Snælandsskóli, frístundaheimilið Krakkaland og félagsmiðstöðin Ígló (2021)
  • Háaleitisskóli Ásbrú (2021)
  • Vatnsendaskóli, frístundaheimilið Stjörnuheimar og félagsmiðstöðin Dimma (2022)
  • Arnarsmári (2022)
  • Álfaheiði (2022)
  • Furugrund (2022)
  • Kópahvoll (2022)
  • Sólhvörf (2022)
  • Naustaskóli (2023)
  • Borgarskóli og frístundaheimilið Hvergiland (2023)
  • Engjaskóli og frístundaheimilið Brosbær (2023)
  • Iðavöllur (2023)
  • Klappir (2023)

Góð reynsla í

þúsundum skóla

Rannsóknir á áhrifum Réttindaskóla hafa sýnt fram á jákvæð áhrif verkefnisins í Bretlandi þar sem ríflega 2.500 skólar taka þátt í verkefninu. Síðan þá hafa margar landsnefndir UNICEF komið á fót sambærilegum verkefnum, meðal annars í Kanada, Þýskalandi, Svíþjóð, Danmörk, Slóveníu, Portúgal og nú á Íslandi.  Háskólarnir í Sussex og Brighton framkvæmdu rannsókn á áhrifum Réttindaskóla í Bretlandi og fylgdu rannsakendur Réttindaskólunum eftir í þrjú ár.  Í kjölfarið var gerð úttekt á áhrifum innleiðingar í níu Réttindaskólum í Bretlandi.

Niðurstöður sýndu að:

  • Umræður um gildi Barnasáttmálans leiddu til þess að börn sýndu meira umburðarlyndi og virðingu fyrir fjölbreytileika, sem hafði þau áhrif að einelti og ofbeldi í skólunum minnkaði.
  • Börn í Réttindaskólum urðu betri í að standa vörð um eigin réttindi, t.d. rétt sinn til að taka þátt. Þeir urðu auk þess færari í að láta vita þegar brotið var á rétti þeirra eða ef þau urðu fyrir misnotkun af einhverju tagi.
  • Starfsánægja fullorðinna jókst.
  • Börnin fundu fyrir auknum áhuga á að taka þátt í þróun skólans og lögðu meira af mörkum til að skapa öruggt skólaumhverfi fyrir öll börn.
  • Aukin þátttaka og áhrif í skólunum gaf börnum aukið sjálfstraust, sem varð til þess að vellíðan þeirra jókst.
  • Aukin þátttaka barna í skipulagningu kennslu jók áhuga þeirra og hafði jákvæð áhrif á námsárangur.
  • Börn öðluðust betri skilning og þekkingu á alþjóðlegum málefnum og sýndu meiri áhuga á réttindum barna í alþjóðlegu samhengi.
  • Að mati skólastjórnenda voru skólarnir betur í stakk búnir til að vernda börn fyrir einelti, ofbeldi og öðrum brotum á réttindum þeirra. Dæmi um þetta mátti sjá í aukinni samvinnu skóla, félagsþjónustu og annarra stofnana.