Menu

Neyðarhjálp

Því miður er það svo að þegar neyðarástand brýst út, hvort sem það er af náttúrunnar eða manna völdum, eru það börn sem þjást mest. UNICEF sinnir öflugugu hjálparstarfi í þágu barna þar sem neyðarástand skellur á.

Sérhæft starfsfólk UNICEF er á vaktinni allan sólarhringinn, allt árið um kring – tilbúið að bregðast við þar sem neyðarástand brýst út.

Sjúkdómar, stríðsátök og náttúruhamfarir stefna lífi og velferð milljóna barna um víða veröld í hættu. 

Skjót viðbrögð skipta máli

Yfirleitt hefur UNICEF starfað um árabil á því svæði þar sem neyðarástand brýst út, þekkir vel innviði samfélagsins og er þess vegna fljótari að bregðast við ástandinu en ella. Við höfum aflað okkur mikillar þekkingar sem gerir okkur kleift að bregðast skjótt við og þar með bjarga lífi ótal barna og lina þjáningar þeirra. 

Þótt neyðin sé mikil og hæsta viðbúnaðarstigi verið lýst yfir á fjölmörgum stöðum síðastliðna mánuði og ár hefur UNICEF markvisst aukið neyðarhjálp sína í samræmi við það.

Við veitum bæði grunnneyðaraðstoð og einbeitum okkur að því að koma börnum aftur í skóla og veita þeim sálrænan stuðning.

Án allra þeirra fjölmörgu sem leggja baráttu okkar lið og láta sér annt um velferð allra barna gætum við ekki sinnt því gríðarlega umfangsmikla hjálparstarfi sem við gerum á degi hverjum. 

Ég vil styðja UNICEF

Til þess eru margar leiðir! Þú getur til dæmis stutt neyðarsafnanirnar okkar, gerst heimsforeldri eða keypt sanna gjöf!