Fréttir í tímaröð | UNICEF á Íslandi

Vissir þú að...

árið 2009 dreifði UNICEF svokölluðum skólapökkum til 3.832.000 barna í 54 löndum. Skólapakkarnir eru sérstaklega hannaðir fyrir neyðarsvæði eða þar sem mjög vanbúinn skóli er fyrir.

Þú ert hér:

UNICEF óskar landsmönnum gleðilegs nýs árs 29.des.2006 UNICEF óskar landsmönnum gleðilegra jóla og farsældar á nýju ári. Fjölmargir hafa komið að starfinu með einum eða öðrum hætti á árinu sem er að líða. UNICEF þakkar bakhjörlum, heimsforeldrum og þeim sem stutt hafa börn víða um heim á liðnu ári í gegnum UNICEF.	Mikið hefur áunnist, en margt á enn eftir að gera 14.des.2006 Brátt verða tvö ár liðin frá því flóðbylgja fór yfir strendur landa við Indlandshaf og skók samfélögin þar, sem og alla heimsbyggðina. Af því tilefni gefur UNICEF út skýrslu þar sem kemur fram hvað hefur áunnist á þessum tveimur árum, farið er yfir aðstæður barna í dag og hver næstu skrefin verða í hjálparstarfinu.
Eflum vald kvenna til hjálpar börnum 11.des.2006 Ný skýrla um aðstæður barna um allan heim. Samkvæmt skýrslunni leiðir jafnrétti kynjanna til „tvöfalds arðs“ fyrir bæði konur og börn og er nauðsynlegt fyrir heilbrigði og þróun fjölskyldna, samfélaga og þjóða.	Fyrsti bekkur Nesskóla býr til rauð nef 1.des.2006 Fyrsti bekkir Nesskóla Neskaupstað ákváðu í tilefni Dags rauða nefsins að fræðast um hvað dagurinn gengi út á. Nefnilega að gera góðverk og gefa til þeirra sem minna mega sín í þessum heimi. Börnin í Nesskóla fræddust um börnin í Afríku, skoðuðu myndir og kennararnir sögðu þeim frá því hvers vegna þessi dagur væri haldinn.
Svasíland með augum Sigur Rósar 1.des.2006 Á haustdögum ferðaðist hljómsveitin Sigur Rós til Svasílands á vegum Barnahjálpar Sameinuðu þjóðanna á Íslandi til að kynna sér HIV-verkefni samtakanna þar í landi. Ferðin hafði mikil áhrif á hljómsveitina og ákváðu þeir að efna til sýningar á ljósmyndunum sem þeir tóku í heimsókninni. Sýningin ber yfirskriftina: Yfirgefna kynslóðin: Svasíland með augum Sigur Rósar.	Bylgjan brosir með UNICEF - Þátttaka fyrirtækja á Degi rauða nefsins 1.des.2006 Bylgjan brosir með UNICEF á Degi rauða nefsins 1. desember og er með brandara-átak fyrir fyrirtæki og vinnustaði. Þetta er kjörið tækifæri fyrirtækja til að leggja átakinu lið og styrkja bágstödd börn víða um heim.
Valgerður Sverrisdóttir heimsækir birgðastöð UNICEF 28.nov.2006 Á dögunum heimsótti Valgerður Sverrisdóttir, utanríkisráðherra, birgðastöð Barnahjálpar Sameinuðu þjóðanna í Kaupmannahöfn þar sem hún kynnti sér hvernig UNICEF pakkar og sendir hjálpargögn til barna um allan heim.	Íslensk fyrirtæki styrkja dreifingu malaríu-flugnaneta í Gíneu-Bissá 21.nov.2006 Í síðustu viku hófst átak UNICEF í Gíneu-Bissá um að koma í veg fyrir malaríusmit. Í átakinu verður 180 þúsund malaríu-flugnanetum dreift til barna og mæðra þeirra, börn fá A-vítamín og lyf við ormum í maga. Áætlað er að flugnanetin komi til með að bjarga 4000 börnum á ári sem annars myndu deyja af völdum malaríu.
Borgarstjórn setur formlega sölu á rauðum nefjum af stað 13.nov.2006 Vilhjálmur Þ. Vilhjálmsson borgarstjóri, ásamt allri borgarstjórn, lögðu sitt af mörkum í dag og keyptu rauð trúðanef. Með þessu opnaði borgarstjórn formlega söluna á rauðu nefjunum. Rauðu nefin koma í allar verslanir Bónuss, 10-11, útibú Glitnis og á bensínstöðvar ESSO í dag og kosta 500 krónur.	Rauðu nefin komin í verslanir um allt land 13.nov.2006 Rauðu trúðanefin eru komin í verslanir Bónuss, 10-11, útibú Glitnis og á bensínstöðvar Essó um allt land. Allur ágóði af sölu nefjanna rennur til verkefna UNICEF um allan heim... Þannig að ef þú kaupir nef gleður þú ekki aðeins þá sem sjá þig, heldur getur þú glatt börn í sárri neyð.