Erlendar fréttir

Sumarið nálgast óðum! Á morgun er hins vegar ekki einungis sumardagurinn fyrsti hér á Íslandi heldur einnig alþjóðlegi malaríudagurinn. Malaría er banvænn sjúkdómur sem smitast með moskítóflugum og herjar á milljónir manna í yfir 100 löndum – ekki síst börn. Af þessu tilefni hvetjum við fólk til að gefa moskítónet sem sumargjafir!  

Í ákalli sem framkvæmdastjórar allra helstu stofnana Sameinuðu þjóðanna sendu frá sér í morgun eru stríðandi fylkingar í Sýrlandi og pólitískir leiðtogar ríkja sem geta haft áhrif á stöðu mála sárbeðnir um að knýja fram pólitíska lausn á "hinum hrottafengnu átökum". 

Framkvæmdastjórar UNICEF og annarra stofnana Sameinuðu þjóðanna sendu í morgun frá sér óvenjulegt ákall til allra þeirra pólitísku leiðtoga og aðila sem tengjast stríðinu í Sýrlandi, þar sem þeir eru beðnir að nota áhrif sín til að "bjarga fólki í Sýrlandi og bjarga svæðinu öllu frá stórkostlegum hörmungum". Textinn í heild sinni er hér.

UNICEF kynnir í dag í samstarfi við WHO nýja alþjóðlega aðgerðaráætlun gegn lungnabólgu og niðurgangspestum. Áætlunin felur í sér stórsókn gegn tveimur helstu dánarorsökum ungra barna í heiminum. 

Í gær afhentu fulltrúar Fatímusjóðsins UNICEF á Íslandi tveggja milljón króna framlag í neyðarsöfnun UNICEF fyrir sýrlensk börn á flótta. Stuðningnum verður bæði varið í verkefni innan Sýrlands og í flóttamannabúðum sem komið hefur verið upp í nágrannaríkjunum. 

Snjór og kuldi hefur herjað á svæði í Sýrlandi, Jórdaníu, Tyrklandi og Írak og
áratugs gömul kuldamet slegin. Meira en tvær milljónir flóttafólks frá Sýrlandi
hafa leitað hælis í nágrannaríkjunum eða eru á vergangi í heimalandinu.
Sem áður eru börnin sérlega viðkvæm fyrir afleiðingum kuldans  þar sem
snjórinn hægir á dreifingu hjálpargagna.

Þrjú ár eru liðin frá mannskæðum jarðskjálfta á Haítí sem hafði í för með sér mikla eyðileggingu og neyð. Ný skýrsla gefur þó til kynna að aðbúnaður barna í landinu fari batnandi og til að mynda hefur hlutfall 11 ára barna sem sækja skóla hækkað mikið frá því áður en hamfarirnar riðu yfir.  

Starfsfólk UNICEF á Íslandi óskar ykkur öllum gleðilegs árs með kærri þökk fyrir stuðning og hlýhug á liðnum árum. Við höldum ótrauð áfram inn í árið 2013 og tökumst á við áframhaldandi verkefni og áskoranir með ykkar hjálp. 

Flóðin í Sindh, Balochista og Punjab héruðunum í Pakistan hafa sett líf þúsunda barna úr skorðum á svæðinu sem fyrir var berskjaldað vegna fátæktar og árvissra flóða.

UNICEF hefur aukið hjálparstarf sitt innan Sýrlands og í nágrannalöndunum til muna á undanförnum mánuðum til þess að koma til móts við vaxandi neyð barna og fjölskyldna. Yfir ein milljón barna eru á vergangi innan Sýrlands og meira en 100 þúsund sýrlensk börn hafi hrakist til Líbanon, Jórdaníu, Tyrklands og Írak. 

UNICEF vinnur að því, ásamt samstarfsaðilum sínum í Sýrlandi, að koma flóttabörnum til hjálpar með heilsugæslu og læknisaðstoð auk þess að útvega þeim matvæli og annars konar hjálpargögn. 

Hún Valgerður Hirst Baldursdóttir kom til okkar á skrifstofuna í síðustu viku og færði UNICEF myndarlega gjöf.

Neyðarsöfnun UNICEF á Íslandi er í fullum gangi. Unnið er að því að koma í veg fyrir að smitsjúkdómar brjótist út. Læknateymi munu fara um átakasvæðin, skoða börnin og athuga hvort þau sýni einkenni vannæringar.

Í septembermánuði munu UNICEF og IKEA fagna tíu ára löngu samstarfsverkefni sínu sem hefur hjálpað yfir 74 milljónum barna í átt að betri framtíð fyrir þau og fjölskyldur þeirra.

Yfir 110 þúsund manns hafa flúið frá Sýrlandi og yfir til Jórdaníu, Líbanons, Tyrklands og Írak, þar sem þau fá hjálp. Helmingurinn af þeim eru börn og ungmenni. UNICEF í Jórdaníu hefur komið á fót svokölluðum „barnvænum svæðum" á þremur stöðum. Auk þess dreifir UNICEF þessa stundina 3 þúsund hreinlætispökkum fyrir ungabörn en þá hefur alls 9 þúsund pökkum verið dreift.

Tíðni barnadauða í heiminum hefur lækkað um meira en 50% á fjörutíu árum. Á alþjóðlegum fundi sem hefst í dag er stefnt að því að draga enn frekar úr barnadauða. Alltof mörg börn láta lítið af einföldum orsökum sem vel mætti koma í veg fyrir.

UNICEF fordæmir harðlega ofbeldi gegn börnum í Sýrlandi. Ofbeldið er óafsakanlegt, óásættanlegt og því verður að ljúka. Samtökin spyrja hversu mörg börn til viðbótar þurfi að láta lífið svo að eitthvað gerist.

Lífsafkoma barna undir fimm ára aldri og algengustu dánarorsakir þeirra er umfjöllunarefni nýrrar skýrslu UNICEF Lungnabólga og niðurgangspestir: Baráttan við mestu dánarvalda meðal fátækustu barna heims. Þar kemur fram að þriðjung af dauðsföllum barna undir 5 ára má rekja til lungnabólgu og niðurgangspesta.

Alþjóðleg neyðarsöfnun UNICEF fyrir Sahel-svæðið hefur gengið vonum framar og alls hafa safnast um 1,4 milljarðar króna - yfir 20 milljónir hafa safnast á Íslandi. Nú þegar þurrkatímabilið er gengið í garð er þó búist við að ástandið muni versna. Auk þess hefur hjálparstarf UNICEF þurft að taka mið af flóttafólki frá Malí, en vopnuð átök þar hafa leitt til aukins vanda á svæðinu.

Fótboltafélag Barselóna (FCB) og UNICEF halda samstarfi sínu áfram til að bæta líf milljóna barna í gegnum íþróttir og leiki. Fótboltafélagið mun styrkja UNICEF um 1,5 milljón evra með það að markmiði að ná til barna í 16 þúsund skólum í fjórum löndum, þ.e. Brasilíu, Kína, Gana og Suður-Afríku.

Hadiza, 2 ára, hefur lést mikið að undanförnu. Móðir hennar, Amina, er áhyggjufull. Hún kom með dóttur sína á heilsumiðstöðina í Tibiri í Níger á Sahel-svæðinu þar sem henni var tjáð að dóttir hennar væri alvarlega vannærð. Síðan þá hefur Hadiza fengið aðstoð og hún er farin að þyngjast ... þetta er sagan hennar.

Starfsfólk UNICEF í Búrkína Fasó sendir Íslendingum kærar þakkir! „Ég get fullvissað fólk á Íslandi um að framlögin munu koma að gagni og nýtast vel,“ segir yfirmaður hjá UNICEF í Búrkína Fasó. Yfir 7.000 þúsund Íslendingar hafa styrkt neyðarsöfnun UNICEF.

46 tonn af hjálpargögnum UNICEF bárust í gær til Máritaníu – eitt þeirra átta ríkja á Sahel-svæðinu þar sem þurrkar og uppskerubrestur valda nú miklum vandræðum. 12.000 skammtar af sýklalyfjum voru í sendingunni og 8,7 tonn af vítamínbættu jarðhnetumauki fyrir vannærð börn.
 

Söfnun UNICEF á Íslandi fyrir neyðaraðgerðum á Sahel-svæðinu er nú komin vel yfir 17 milljónir. Allar landsnefndir UNICEF standa að söfnuninni en viðbrögð Íslendinga hafa verið mjög sterk og framlögin frá Íslandi eru hæst miðað við höfðatölu!

Á Sahel-svæðinu er vannæring meðal barna komin að hættumörkum, en UNICEF telur að um ein milljón barna þurfi á bráðri hjálp að halda. Framkvæmdastjóri UNICEF, Anthony Lake, heimsótti Sahel-svæðið í vikunni og kallaði eftir aukinni aðstoð til að binda enda á neyðina.

Batahorfur vannærðra barna eru afar góðar. Drengurinn Minjah frá Sómalíu var einungis þrjú kíló þegar hann komst sjö mánaða inn á slíka stöð. Ótrúlegar myndir af honum fyrir og eftir hafa vakið athygli. Munum að á Sahel-svæðinu getum við tekið þátt í að búa til fleiri svona kraftaverkasögur!

Ein milljón ungra barna á Sahel-svæðinu í Vestur- og Mið-Afríku er í bráðri hættu og gæti látið lífið næstu vikur og mánuði berist ekki hjálp. UNICEF hefur í dag söfnun um allan heim til styrktar þessum börnum. Reynslan sýnir að yfir 95% vannærðra barna á Sahel-svæðinu sem fá meðhöndlun lifa af.

Í dag er alþjóðlegur dagur vatnsins! "Minnumst þess í dag hversu lánsöm við erum hér á landi að hafa nóg af hreinu vatni og veitum því athygli að áður en degi hallar munu nær 800 milljónir jarðarbúa hafa neyðst til að drekka skítugt eða sýkt vatn. Minnumst þess um leið að þessu má vel breyta," skrifar Stefán Ingi í Fréttablaðinu í dag.

UNICEF fagnar sakfellingu Alþjóða glæpadómstólsins í Haag yfir Thomas Lubanga en hann var dæmdur fyrir að nota börn í stríði og vopnuðum átökum í Austur-Kongó.
Lubanga er fyrsti stríðsherrann til að vera dæmdur af alþjóðadómstólum fyrir að nota börn sem skipulögð vopn í stríði.

Þegar tveggja ára stúlkan Zelika kom á spítala í Quallam í Níger fyrir þremur vikum voru lífslíkur hennar mjög lágar. Zelika þjáðist af alvarlegri vannæringu en með viðeigandi meðferð tókst að bjarga lífi hennar. UNICEF áætlar að yfir ein milljón barna muni fá alvarlega vannæringu á Sahel-svæðinu á þessu ári.

Lenny Kravitz, Grammy-verðlaunahafi, söngvari og plötuframleiðandi, mun nýta rödd sína og hæfileika í þágu UNICEF á næstu vikum. Hann ætlar að styðja við alheimsátak UNICEF um að tryggja og bæta líf milljóna barna og fjölskyldna þeirra með því að bæta aðgengi að drykkjarhæfu vatni og viðunandi hreinlætisaðstöðu.

UNICEF og WHO kynna í dag stöðuskýrslu sem sýnir að mikilvæg undirgrein Þúsaldarmarkmiða Sameinuðu þjóðanna hefur náðst! Frá árinu 1990 hafa meira en tveir milljarðar manna fengið aðgang að hreinu drykkjarvatni. „Sýnir að sannarlega er hægt að ná árangri.“

Árleg skýrsla UNICEF um stöðu barna í heiminum kemur út í dag. Kastljósinu í ár er beint að börnum í þéttbýli en talið er að innan fárra ára muni meirihluti barna í heiminum alast upp í þéttbýli. Þar kemur enn fremur fram að barnadauði er mestur í Sómalíu en minnstur á Íslandi, San Marínó og í Liechtenstein.

Sár neyð er yfirvofandi á hinu svokallaða Sahel-svæði í vesturhluta Afríku. Ástandið í heimshlutanum er ógn við líf og heilsu yfir einnar milljónar barna sem UNICEF áætlar að muni þjást vegna alvarlegrar vannæringar á árinu 2012. Einnig er hætt við að þau fari á mis við rétt sinn til verndar og menntunar.

Hátt í ellefu mánuðir af ofbeldi í Sýrlandi hafa leitt til þess að hundruðir barna liggja nú slösuð eða jafnvel látin. Frásagnir herma að börn séu handtekin, pyntuð og misnotuð kynferðislega í haldi.

Aukinn fæðuskortur í Níger getur leitt til vannæringar þúsunda barna um allt land ef ekkert verður að gert. Ef ekki er til nóg af fæðu munu börn, sérstaklega þau sem eru undir fimm ára aldri, eiga á hættu á að látast af völdum vannæringar eða öðrum tengdum kvillum. Við segjum sögu Zöru og Oumou í fréttinni.

Ný skýrsla UNICEF um viðbrögð stjórnvalda við mansali barna var kynnt sameiginlega á öllum Norðurlöndunum í dag. Í skýrslunni, Child Trafficking in the Nordic Countries: Rethinking strategies and national responses, kemur fram að aðgerðir gegn mansali geti verið of einangraðar sem hefur leitt til þess að mál sumra barna falli ekki inn í kerfið.

Í dag kallar UNICEF eftir 1,28 milljörðum Bandríkjadala, 157 milljörðum króna, til að fjármagna neyðarhjálp í ár en í  því felst að koma börnum í yfir 25 löndum til hjálpar. UNICEF birti í dag skýrslu sína, Humanitarian Action Report, en þar er þörfin í ólíkum löndum greind og farið yfir hvaða leiðir UNICEF telur færar til hjálpar.

Merkileg tímamót hafa orðið í baráttunni við lömunarveiki á Indlandi. Rúmt ár er síðan síðasta tilfellið í landinu kom upp. Alistair Gretarsson, upplýsingafulltrúi hjá UNICEF á Indlandi, er að vonum glaður með að lömunarveikilaust Indland sé í augsýn. (Gríðarlega mikilvægt sé að ná að útrýma sjúkdómnum um allan heim.)

Sólveig Sveinbjörnsdóttir, félagsráðgjafi, hefur unnið hjá UNICEF á ýmsum stöðum í heiminum. Seinast var hún hjá UNICEF í Eþíópíu og sagði frá reynslu sinni í skemmtilegu viðtali við Samfélagið í nærmynd á Rás 1. Sólveig útskýrði meðal annars starf sitt við barnavernd fyrir eþíópísk börn.

Tveimur árum eftir að jarðskjálftinn á Haítí lagði stóran hluta landsins í rúst er margvíslegar góðar fréttir að finna frá landinu. Fjallað var um stöðuna á Haítí og starf UNICEF í sjö-fréttatíma RÚV, í Fréttablaðinu, Speglinum, á Vísi og víðar.

Tveimur árum eftir jarðskjálftann mikla á Haítí 12. janúar 2010 hefur staða barna í landinu smám saman breyst til batnaðar. Ríkið er enn veikburða, margvíslegar áskoranir eru framundan og fátækt í landinu mikil en þýðingarmikla sigra er víða að finna. Í dag kynnir UNICEF skýrslu um stöðuna á Haítí.

Þrátt fyrir að mikilvægur árangur hafi náðst á neyðarsvæðunum í austanverðri Afríku eru tugir þúsunda barna enn í bráðri lífshættu. Vannæring er enn langt yfir neyðarmörkum og hætta er á að líshættulegir sjúkdómar breiðist út. Íslendingar geta enn lagt sitt af mörkum til neyðaraðgerða UNICEF með því að hringja í sérstök söfnunarsímanúmer.
 

Bráð hætta steðjar enn að yfir 13 milljónum manna í austurhluta Afríku. Helmingur þeirra er börn. Í Fréttablaðinu um helgina skrifaði Svavar Hávarðsson ítarlega grein um neyðarástandið á þurrkasvæðinu og viðbrögð UNICEF. Í greininni eru aðgerðir UNICEF meðal annars sýndar á grafískan og skemmtilegan hátt.

Vilhjálmur Bretaprins og Katrín hertogaynja heimsóttu birgðastöð UNICEF í Kaupmannahöfn í dag ásamt Friðriki krónprinsi Danmerkur og Mary krónprinsessu. Markmiðið var að draga athygli að ástandinu í Austur-Afríku. „UNICEF leiðir starfið og þau eru að vinna frábært verk,“ sagði Vilhjálmur.

100.000 börn meðhöndluð hafa verið meðhöndluð gegn vannæringu á þurrkasvæðunum í Austur-Afríku og yfir ein milljón barna verið bólusett gegn mislingum. Stöðuskýrsla frá UNICEF sýnir að árangur hefur náðst en að neyðarástandinu er þó langt í frá lokið.

Alþjóðlegi handþvottardagurinn verður haldinn hátíðlegur í fjórða skiptið í á morgun. Markmið dagsins er að vekja athygli á því að handþvottur með sápu og vatni er ein albesta og ódýrasta forvörnin sem völ er á gegn fjölmörgum sjúkdómum.

Að minnsta kosti 94 börn hafa látið lífið í átökum í Jemen síðan þau brutust út fyrr á þessu ári. Átökin bæta gráu ofaná svart fyrr börn í Jemen þar sem tíðni vannæringar barna var fyrir ein sú hæsta í heiminum. UNICEF harmar að ofbeldi skuli bitna á börnum.

Skólaárið hófst formlega á Haítí síðstliðinn mánudag, 3. október. Eins og mörgum er enn í fersku minni skók gríðarsterkur jarðskjálfti landið fyrir rúmu einu og hálfu ári með þeim afleiðingum að nánast allt daglegt líf fór úr skorðum, þar með talið skólastarf.

Börn á stórum svæðum í Pakistan eru að upplifa hörmungar af völdum flóða annað árið í röð. Helmingur þeirra sem flóðin bitna á eru börn sem eru jafnframt sá hópur sem er mest berskjalda í náttúruhamförum. Íslendingar geta lagt hjálparstarfi UNICEF í Pakistan lið með fjárframlögum á sérstakan söfnunarreikning: 515-14-403160 (kt. 481203-2950).

Íslendingurinn Freyja Oddsdóttir heimsótti nýverið stærstu flóttamannabúðir heims: Dadaab í Keníu. Þangað hafa þúsundir sómalskra fjölskyldna streymt á flótta undan hungri og átökum. Á næstu dögum mun birtast grein eftir Freyju í Fréttablaðinu um aðstæður í Dadaab en hér deilir hún með okkur myndum og stuttri hugleiðingu.

Stjórnvöld í Gíneu-Bissá gafa samþykkt algjört bann við afskurði kynfæra stúlkna í landinu. Nýju löginn eru mikið fagnaðarefni en þau koma í kjölfarið á umræðu sem staðið hefur yfir þarlendis undanfarin 16 ár. Stærsta áskorunin er þó eftir: Að tryggja að lögunum sé í raun fylgt.

Helmingur þeirra sem flóðin miklu í Pakistan bitna á eru börn. Mörg þeirra eru enn að jafna sig eftir flóðin sem gengu yfir landið í fyrra og voru þau verstu í sögu Pakistan. Hjá UNICEF í Pakistan starfar Ólöf Magnúsdóttir, sem áður vann hjá UNICEF á Íslandi. Ólöf hefur verið upp fyrir haus síðastliðna daga við að bregðast við því sem nú hefur átt sér stað.

Langvarandi átök og síendurteknir þurrkar undanfarna áratugi eru meðal ástæðna þess að í fyrra var dánartíðni barna (yngri en fimm ára) hvergi hærri en í Sómalíu. Er þetta meðal þess sem kemur fram í nýrri skýrslu UNICEF og WHO. UNICEF óttast að tíðni barnadauða í landinu muni aukast verulega á þessu ári.

Samkvæmt nýju mati UNICEF og WHO hefur þeim börnum yngri en fimm ára sem deyja árlega fækkað úr 12 milljónum í 7,6 milljónir á tímabilinu 1990 til 2010. Þetta þýðir að á síðasta ári dóu daglega 12.000 færri börn undir fimm ára aldri en árið 1990.

Allt að 2,5 milljónir barna hafa orðið fyrir beinum áhrifum af miklum flóðum í suðurhluta Pakistan. Mörg þessara barna eru enn að jafna sig eftir flóð sem gengu yfir landið í fyrra og voru þau verstu í sögu Pakistan. UNICEF segir brýna þörf á aukinni aðstoð áður en ástandið versnar frekar.

Hungursneyð hefur nú verið lýst yfir í sex héruðum í suðurhluta Sómalíu og búist er við að fleiri héruð muni fylgja í kjölfarið. UNICEF hefur þungar áhyggjur af ástandinu – enda er þetta fyrst og fremst hungursneyð barna.

Tekið er eftir því hjá starfsmönnum UNICEF á vettvangi hve vel Íslendingar hafa brugðist við neyðarákallinu vegna ástandsins í Austur-Afríku. Starfsfólk UNICEF í Dadaab í Keníu vill meðal annars koma á framfæri innilegum þökkum fyrir stuðninginn.

Fyrstu 12 dagana í ágúst hafa 26 birgðaflutningavélar flogið með 531 tonn af hjálpargögnum frá UNICEF til þurrkasvæðanna á austurodda Afríku. Megináhersla hefur verið lögð á að senda næringarbætt mauk fyrir vannærð börn ásamt næringarbættu maís- og sojamjöli sem gera má úr graut.

UNICEF eykur umfang neyðaraðstoðar sinnar í Dadaab búðunum og nærliggjandi byggðum vegna stöðugs straums flóttafólks frá Sómalíu. Nærri helmingur barna sem flýja Suður-Sómalíu eru vannærð. UNICEF starfar samþætt á vettvangi á sviðum næringar og heilsugæslu, vatns og hreinlætis og barnaverndar.

Í ljósi versnandi neyðarástands á Horni Afríku vara Sameinuðu þjóðirnar við því að á næstu tveimur mánuðum gæti ástandið um gjörvalla Suður-Sómalíu orðið að hungursneyð. Ótal mannslíf eru í húfi; engu að síður eru viðbrögð alþjóðasamfélagsins ennþá hæg.
 

„Þetta er erfitt.“ Þannig lýsir starfsmaður UNICEF sem staddur er í Dadaab-flóttamannabúðunum í Keníu upplifun sinni. Frásögn hans af aðstæðum í búðunum er nöturleg en hann segir starfsfólk UNICEF engu að síður halda í jákvæðnina með því að einbeita sér að því sem gera þarf til að hjálpa eins mörgum börnum og mögulegt er.

UNICEF hefur dreift 1300 tonnum af hjálpargögnum í suðurhluta Sómalíu það sem af er mánuðinum. Þar á meðal eru 653 tonn af svokallaðri UNIMIX-blöndu sem inniheldur meðal annars maís, mjólkurduft, sojamjöl, vítamín og steinefni. Úr blöndunni er búinn til næringarríkur grautur fyrir börn.

Hátt í 7000 Íslendingar hafa stutt neyðarsöfnun UNICEF á Íslandi. Svæðisstjóri UNICEF á þurrkasvæðinu er þakklátur Íslendingum. Fyrir framlagið er hægt að útvega sem samsvarar 300.000 skömmtum af fæðu fyrir vannærð börn. Hvert framlag skiptir máli. Takk fyrir stuðninginn!

Hvergi í heiminum er vannæring nú meiri en í Sómalíu. Í morgun lýstu Sameinuðu þjóðirnar formlega yfir hungursneyð í tveimur héruðum landsins: Í Bakool og í Neðri-Shabelle. Neyðin bitnar mest á börnum. Þriðja hvert barn í Sómalíu er  vannært.

 

Í morgun tók flutningavél frá birgðastöð UNICEF í Kaupmannahöfn á loft. Ferðinni er heitið til Keníu og eru 76 tonn af hjálpargögnum í sendingunni. Búist er við vélin lendi í höfuðborginni Nairobi skömmu eftir miðnætti að staðartíma.

Úti á landi, í litlum þorpum og á meðal hirðingja í Keníu eru afleiðingar þurrkanna miklu hvað alvarlegastar. Um helgina fór framkvæmdastjóri UNICEF á heimsvísu til Turkana-héraðs þar sem vannæring hefur stóraukist: Hún er nú komin upp í 37%. Við vorum að fá sendar sláandi ljósmyndir úr ferðinni.

Enn versnar ástandið í Austur-Afríku eftir mestu þurrka í yfir hálfa öld. UNICEF hefur þungar áhyggjur af stöðunni og hefur aukið enn við mannúðaraðgerðir sínar á svæðinu. Hálf milljón barna er lífshættulega vannærð og í þörf fyrir tafarlausa aðstoð. Neyðarsöfnun UNICEF á Íslandi hefur gengið vel.

Á morgun mun stærsta ríki Afríku skiptast upp og nýtt ríki líta formlega dagsins ljós: Suður-Súdan. Hið nýja ríkið verður eitt það fátækasta í heimi og jafnframt sá staður þar sem einna áhættusamast verður fyrir börn að fæðast. UNICEF sinnir afar umfangsmiklu hjálparstarfi í Suður-Súdan.

UNICEF hefur lýst yfir neyðarástandi í Austur-Afríku, nánar tiltekið í Sómalíu og hluta af Eþíópíu og norðurhluta Keníu. Samtökin telja að ástandið ógni lífi og heilsu um tíu milljóna manna, þar af eru um tvær milljónir barna undir fimm ára aldri. UNICEF á Íslandi hefur hafið neyðarsöfnun til styrktar þessum börnum.

Árið 2010 sendi UNICEF vel yfir 2 milljarða skammta af bóluefni á vettvang – og náði þar með til 58% barna í heimi. Þetta kemur fram í nýrri birgðaskýrslu UNICEF fyrir 2010. Þar kemur einnig fram að nærri 400 milljónum taflna með ormalyfi var dreift. Þetta er einungis hægt með góðri skipulagningu!

UNICEF hefur miklar áhyggjur af matarskorti og flóttamannastraumi í Austur-Afríku. Ástandið má rekja til skelfilegrar blöndu af þurrkum, langvarandi og stigvaxandi átökum og hækkandi matvælaverði. Samtökin telja að ástandið ógni lífi og heilsu milljóna barna og kvenna og hvetur stjórnvöld og styrktaraðila til að bregðast við með hraði.

Lífið er erfitt fyrir hina 16 ára gömlu Clodine. Hún er barnshafandi, gengin sex mánuði, og smituð af HIV. Hún býr ásamt gamalli frænku sinni í tjaldi með moldargólfi í tjaldbúðum fyrir heimilislaust fólk í höfuðborg Haítí, Port-au-Prince.

Þúsundir barna í Afríku sæta ofbeldi og misnotkun á hverjum einasta degi. Ástandið er sérstaklega áþreifanleg fyrir börn sem búa og starfa á götunni. Í tilefni af degi afríska barnsins þann 16. júní hvatti UNCEF stjórnvöld til að tryggja götubörnum aukna vernd.

Tólfta júní sl. var Alþjóðlegur dagur gegn barnavinnu. Tilgangur dagsins er að draga athyglina að skelfilegum veruleika 115 milljóna barna, sem starfa við aðstæður sem ógna lífi þeirra og þroska. Hér er sögð saga - ein af alltof mörgum - um börn sem vinna erfiðisvinnu.

UNICEF og FC Barcelona hafa ákveðið að halda samstarfi sínu áfram eftir að núverandi samningi lýkur. Merki UNICEF verður áfram á treyjum Barcelona á næsta keppnistímabili. Þetta var tilkynnt í sameiginlegri yfirlýsingu frá UNICEF og FC Barcelona nú í morgun.

UNICEF starfar í nærri 160 löndum og árið 2010 var í ótal horn að líta hjá samtökunum. Alls var rúmlega tveimur milljörðum skammta af bóluefni dreift á árinu og það í nærri 90 löndum. Þar af var einn milljarður barna bólusettur gegn taugaveiki.

Neyðarástand ríkir í Jemen og UNICEF á Íslandi hefur ákveðið að styrkja starf UNICEF í Jemen um rúmar 11 milljónir króna. Héðinn Halldórsson sem unnið hefur sem upplýsingafulltrúi UNICEF í Jemen segir mikilvægt að styðja við hjálparstarf á svæðinu.

Malaría er banvænn sjúkdómur sem smitast með moskítóflugum og herjar á milljónir manna í yfir 100 löndum, ekki síst börn. Þessi dauðsföll eru óásættanleg – og þau má koma í veg fyrir. Með sannri gjöf frá UNICEF býðst almenningi nú að kaupa moskítónet sem bjarga mannslífum.

Hjálpargögn með mánaðarskammt af mat fyrir 60.000 manns og lyf og sjúkrabirgðir fyrir 50.000 eru komnar til Misrata í Líbíu. Birgðirnar eru líflína til allra þeirra barna sem föst eru á átakasvæðinu miðju. Á landamærunum hefur fjöldi barna og fjölskyldna aukist á meðal flóttafólks.

Leikarinn Liam Neeson hefur tekið við sem velgjörðarsendiherra UNICEF. „Ein af ástæðunum fyrir því að ég er stoltur af því að tengjast UNICEF er sú að UNICEF vinnur að því að minnka fjölda þeirra barna sem látast á hverjum degi af orsökum sem auðveldlega mætti koma í veg fyrir,“ sagði hann í gær. 

Staðan á Fílabeinsströndinni í vesturhluta Afríku hefur versnað hratt síðastliðna daga og vikur. Óttast er að út gæti brotist stríð að nýju. Forsetakosningar fóru fram í landinu 28. nóvember síðastliðinn en forsetinn, Laurent Gbagbo, hefur neitað að víkja. UNICEF fylgist vandlega með stöðunni.

Óróleiki og átök í Líbíu ógna lífi og velferð mörg þúsund barna í landinu. Yfir þrjú hundruð þúsund manns hafa flúið yfir til nágrannaríkjanna Egyptalands og Túnis. Sem fyrr eru börn sérstaklega berskjalda þegar neyðarástand ríkir. UNICEF hefur hafið söfnun til styrktar börnum á svæðinu.

Þörf á neyðarhjálp í Japan er mikil nú þegar vika er liðin frá því að gríðarlegar náttúruhamfarir gengu yfir norðausturhluta landsins með skelfilegum afleiðingum. Fjöldi barna og fjölskyldur þeirra hefur hvorki aðgang að hreinu drykkjarvatni né viðunandi hreinlætisaðstöðu.

Flóðbylgjan sem fylgdi í kjölfar jarðskjálftans út fyrir Japansströndum á föstudaginn olli gríðarlegu tjóni í Japan sem enn sér ekki fyrir endann á. Betur fór þó en á horfðist í tilviki fátækra ríkja við og á Kyrrahafinu.

UNICEF er í mikilli viðbragðsstöðu vegna hinnar ógnarstóru flóðbylgju sem ferðast nú um Kyrrahafið í kjölfar gríðaröflugs jarðskjálfta við Japansstrendur í morgun. Hjálparstarfsfólk á vegum samtakanna bíður nú átekta eftir því að áhrif bylgjunnar komi betur í ljós.

Íslenski fjölmiðlamaðurinn Héðinn Halldórsson starfar sem upplýsingafulltruí UNICEF í Jemen. Hann segir samtökin nú undirbúa sig fyrir neyðaraðstoð samhliða auknum óróa í landinu auk þess sem þau sinna fjölþættum verkefnum í þágu jemenskra barna.

Í dag er alþjóðlegum degi kvenna fagnað í hundraðasta skiptið. UNICEF vill nota tækifærið og vekja athygli að þeim 515 milljón unglingsstúlkum í þróunarlöndunum sem geta hjálpað samfélögum sínum að blómstra fái þær menntun og tækifæri til að þroska hælfileika sína.

Dagana 7.-11. mars standa UNICEF og WHO fyrir umfangsmiklu bólusetningarátaki í Abidjan, stærstu borg Fílabeinsstrandarinnar. Áætlað er að rúmlega 1,7 milljón börn verði bólusett gegn mislingum.

Í árlegri skýrslu UNICEF kemur fram að samtökin áætla að þurfa um 1,4 milljarða bandaríkjadala til að koma börnum og konum til hjálpar á 32 svæðum þar sem samtökin telja að þörfin á neyðaraðstoð sé sérstaklega aðkallandi.

Hátt í 100 þúsund manns hafa flúið ofbeldi og átök í Líbíu yfir til nágrannaríkjanna. Um 40 þúsund hafa flúið yfir til Túnis og 55 þúsund til Egyptalands. Þessir fyrstu flóttamenn eru aðallega karlmenn, sem snúið hafa aftur til síns heima eða eru innflytjendur frá öðrum löndum.

Mikilvægt er að auka fjárveitingar til málaflokka sem tengjast ungmennum á aldrinum 10-19 ára. Þannig er mögulegt að rjúfa múra fátæktar og ójafnræðis. Þetta kemur fram í árlegri skýrslu UNICEF um stöðu barna í heiminum, SOWC 2011.

Fjölskyldur hafa nú byrjað að snúa aftur heim eftir flóðin á Sri Lanka fyrr á árinu. 96% skóla í þeim samfélögum sem urðu illa úti í flóðunum hafa verið teknir í notkun á ný en mörg börn hafa þó misst allar skólabækur sínar og enn er þörf á að gera við skólabyggingar.

Sex mánuðir eru síðan einar mestu Monsún rigningar í tugi ára ollu gífurlegum flóðum og eyðileggingu í Pakistan. Nú þegar UNICEF minnist þessarra hamfara standa samtökin frammi fyrir annarri þraut; vannæringu barna sem búa á flóðasvæðunum.

Barnahjálp Sameinuðu þjóðanna á Íslandi, UNICEF, stendur að málþingi um skýrsluna "The children left behind" eða „Börn skilin útundan“ í samstarfi við Rannsóknastofnun í barna- og fjölskylduvernd og Félagsráðgjafardeild Háskóla Íslands, þriðjudaginn 18. janúar kl. 12-13 í Odda stofu 201.

Önnur sending af neyðargögnum kemur til flóðasvæðanna í austurhluta Sri Lanka í dag. Um er að ræða 4.961 hreinlætispakka (sem dugar fjölskyldu í allt að fimm mánuði), 10 þúsund plastfötur, 15 þúsund svefnmottur og 150 potta til að elda.

Einu ári eftir að jarðskjálfinn mikli reið yfir Haítí þann 12. janúar þjást allt að 4 milljónir barna vegna lélegs aðgengis að vatni, hreinlæti, heilsugæslu og menntun. UNICEF minnist tímamótanna og fer yfir árangur hjálparstarfsins og þær miklu áskoranir sem framundan eru í skýrslu sinni „Children in Haiti: One Year After - The long road from relief to recovery”.

Að minnsta kosti 12 börn létu lífið vegna sprengna í Jemen á þessu ári og hátt í 20 börn slösuðust alvarlega. Fyrr í mánuðinum slasaðist unglingspiltur þegar hann átti við jarðsprengju sem hann fann nálægt heimili sínu í Sa'ada héraði. Hann missti fjóra fingur
þegar sprengjan sprakk í höndunum á honum.

Fellibylurinn Tómas gekk yfir Haítí í síðustu viku. Íbúar þessarar litlu eyja í karabíska hafinu vöknuðu á sunnudaginn og þurftu að meta skaðann vegna fellibylsins Tómasar, sem kom hræðilega nálægt því að bæta aukinni eymd á þjóð, sem er nú þegar að spóla sig út úr vandræðum nýliðins kólerufaraldurs og jarðsjálftans þann 12.janúar 2010.

Aðgengi að HIV þjónustu hefur aukist í lág- og meðaltekjulöndum, samkvæmt nýrri skýrslu sem kynnt var í gær. Skýrslan, Towards Universal Access, er gefin út af Alþjóðaheilbrigðisstofnuninni (WHO), UNICEF og UNAIDS.

Í ljósi gríðarlegs umfangs neyðarinnar í Pakistan hefur UNICEF á Íslandi ákveðið að verja fimm milljónum króna úr neyðarsjóði sínum til UNICEF í Pakistan. Bætist sú upphæð við þær sex milljónir sem safnast hafa frá íslenskum almenningi á undandförnum vikum. Yfir tíu milljónir barna þurfa á aðstoð að halda. 

Nýjustu áætlanir Sameinuðu þjóðanna á barnadauða benda til að færri börn deyi fyrir fimm ára aldur í dag en árið 1990.Samkvæmt þessum áætlunum hefur dregið úr barnadauða (undir 5 ára) um allan heim frá 12,4 milljónum árið 1990 til 8,1 milljón á árinu 2009.

Á undanförnum vikum hafa gríðarleg flóð sett líf um 20,5 milljóna Pakistana úr skorðum. Þar á meðal eru milljónir berskjalda barna. UNICEF hefur gripið til aðgerða til að tryggja þessum börnum öruggt og uppbyggjandi umhverfi.

Á hverjum degi flæðir vatn yfir ný svæði í Pakistan. Talið er að fjöldi þeirra sem hafa orðið fyrir barðinu á flóðunum sé nú orðinn um 20,5 milljónir. Meðal þeirra sem eiga um sárt að binda vegna hamfaranna eru um þrjár milljónir barna undir fimm ára aldri.

Alþjóðsamfélagið getur komið milljónum til hjálpar með því að fjárfesta fyrst og fremst í þeim börnum og samfélögum sem minnst mega sín, samkvæmt nýrri rannsókn UNICEF sem kemur út í dag.

Samkvæmt nýjustu áætlunum stjórnvalda í Pakistan hafa um 20 milljónir íbúa orðið fyrir áföllum í kjölfar flóðanna. Af þeim eru yfir átta milljónir barna undir 18 ára aldri. Fjórar milljónir þeirra eru í mikilli hættu á að smitast af lífshættulegum sjúkdómum.

Aðdáendur Bjarkar Guðmundsdóttur geta nú hlaðið niður laginu „The Comet Song“ á iTunes og stutt um leið hjálparstarf UNICEF í Pakistan. Allar tekjur af laginu renna til hjálparstarfsins. Björk hefur áður lagt UNICEF lið með svipuðum hætti og er dyggur stuðningsaðili samtakanna.

Yfirmaður UNICEF í Suður-Asíu, Daniel Tool,  heimsótti flóðasvæðin í Pakistan í síðustu viku. Hann lýsir því sem fyrir augu bar í persónulegri dagbók sinni. Lýsingarnar veita innsýn inn í skelfilegt ástand sem blasir við milljónum barna og fjölskyldum þeirra.

Anthony Lake, framkvæmdastjóri UNICEF, hefur gefið út yfirlýsingu vegna neyðarástandsins í Pakistan. Í yfirlýsingunni brýnir Lake þörfina fyrir stóraukin framlög til hjálparstarfs í þágu pakistanskra barna ef koma á í veg fyrir að „flóðin sem hafa lagt heimili þeirra í rúst leggi ekki einnig framtíð þeirra í rúst“.

UNICEF á Íslandi hóf í gær söfnun fyrir hjálparstarf UNICEF á flóðasvæðunum í Pakistan. Ljóst er að fjölmargir Íslendingar ætla að svara kallinu en á fyrsta sólarhringnum hefur safnast yfir ein milljón króna. UNICEF metur mikils hvert framlag og hvetur sem flesta að taka þátt í söfnuninni.

Hjálpargögn frá UNICEF berast nú í auknum mæli til barna og fjölskyldna þeirra á flóðasvæðunum í Pakistan í þessum verstu náttúruhamförum sem dunið hafa á landinu í manna minnum. Hægt er að leggja neyðaraðgerðum UNICEF í Pakistan lið með því að leggja inn á söfnunarreikning UNICEF á Íslandi, 515-26-102040, kennitala 481203-2950.

UNICEF sendir nú hjálpargögn til þeirra milljóna manna sem hafa orðið illa úti í flóðunum í nokkrum héruðum í norðurhluta Pakistans og Afganistan. Flóðin eru þau verstu á svæðinu í yfir 80 ár og hafa nú þegar 3,2 milljónir manna, þ.á m. 1,4 milljónir barna, orðið fyrir áhrifum af þeim.

UNICEF fagnar nú upphafi alþjóðlegrar brjóstagjafaviku. Sérstök áhersla er lögð á átakið í Sómalíu þar sem eitt af hverjum fimm börnum deyr fyrir fimm ára aldur, en brjóstagjöf getur dregið úr barnadauða um allt að 20 prósent og fækkað sjúkdómum.

Alþjóðlega ráðstefnan um HIV/alnæmi, AIDS 2010, lagði áherslu á mikilvægi þess að koma í veg fyrir smit frá móður til barns. Sérfræðingar UNICEF í HIV/alnæmi komu saman frá yfir 35 löndum á ráðstefnunni sem nú er að ljúka.

HIV veirunni er líkt við neðanjarðar farsótt í Austur-Evrópu og Mið-Asíu samkvæmt nýrri skýrslu sem UNICEF kynnir í dag. Veiran breiðist hratt út og er eiturlyfjaneysla, áhættusöm kynhegðun og neikvæður félagslegur stimpill sem fylgir því að sækja sér ráðgjöf og meðferð, eins og bensín á bálið.

Leo Messi, hjá knattspyrnuliðinu Barselóna og argentíska landsliðinu, fór í fyrstu vettvangsheimsókn sína í gær með UNICEF síðan hann var skipaður velgjörðasendiherra samtakanna í mars síðastliðnum.

Sex mánuðum eftir að einn stærsti jarðskjálfti í 200 ár á Haítí olli mikilli eyðilegginu er það hjálparstarfsfólki mikil áskorun að mæta þörfum þeirra 800 þúsund barna og fjölskyldna þeirra sem þurfa á hjálp að halda. UNICEF veitir viðamikla neyðaraðstoð.

Nú þegar Heimsmeistaramótið í knattspyrnu karla nær hámarki eru verkefni UNICEF og samstarfsaðila um vernd barna í fullum gangi. Verkefni UNICEF í tengslum við mótið eru fimm; stofnun barnvænna staða, þjálfun félagsráðgjafa, Rauða spjalds-átakið, kynning á siðareglum í ferðamannaiðnaðinum og íþróttahátíðir.

Þrátt fyrir auknar áhyggjur af öryggismálum hefur UNICEF hafið stórfellda dreifingu hjálpargagna til fólks á flótta undan ofbeldinu í Kirgistan. Á sama tíma hefur hluti af fjölskyldum af kynþætti Úsbeka, sem flúðu yfir til nágrannalandsins Úsbekistan, fengið pláss í flóttamannabúðum sem UNICEF styður.

Um 400 þúsund manns hafa nú misst heimili sín vegna átakanna í Suður-Kirgistan. UNICEF hefur varað við því að fjölskyldur tvístrist og að börn verði ein og umkomulaus.Yfirmaður UNICEF í Kirgistan, Jonathon Veitch, sagði að 90% flóttafólks væru konur, börn og eldra fólk.

UNICEF áætlar að á hverju ári fari fjöldi barna frá Gíneu-Bissá til Senegal og Gambíu vegna vinnu og trúarlegs náms. Skýrsla þessi byggist á rannsókn sem gerð var að ósk UNICEF í Gíneu-Bissá til að afla upplýsinga um ástæður, umfang og afleiðingar þessa og hvort um eiginlegt mansal barna sé að ræða.

UNICEF sendi í gær hjálpargögn með sex vörubílum frá Tashkent, höfuðborg Úsbekistan, til flóttafólks sem flúið hefur átökin í Kyrgistan. Um er að ræða 76 tjöld, 2.210 teppi, 25 heilsugæslupakka sem innihalda sárabindi, sápur, klúta, bleyjur, o.fl., um 500 pakka með eldhúsáhöldum, 1.100 boli, 900 pakka af vatnshreinsitöflum og 1764 vatnsdunka.

Anthony Lake, framkvæmdastjóri UNICEF, hefur sent frá sér yfirlýsingu vegna fyrirhugaðra réttarhalda yfir Omar Khadr sem var handtekinn og færður til Guantanamo-flóa vegna glæpa sem hann er sagður hafa framið 15 ára gamall.

Anthony Lake tók við sem framkvæmdastjóri UNICEF í gær. Hann er sjötti framkvæmdastjóri UNICEF í 64 ára sögu samtakanna. Lake hefur yfir 45 ára reynslu af opinberri stjórnsýslu í Bandaríkjunum og innan alþjóðasamtaka.

Mikill árangur hefur náðst á síðustu árum í báráttunni gegn malaríu, ekki síst í sunnanverðri Afríku. Í stað þess að  sjúkdómurinn valdi dauða afrísks barns á þrjátíu sekúndna fresti, eins og verið hefur um árabil, er nú nær að tala um 40-45 sekúndur.

Eins og flestum er kunnugt hefur eldgosið í Eyjafjallajökli valdið miklum truflunum á flugsamgöngum. UNICEF hefur m.a. ekki getað komið hjálpargögnum á vettvang víða um heim. Birgðastöð UNICEF í Kaupmannahöfn vinnur náið með samstarfsaðilum til að finna aðrar leiðir fyrir hjálpargögn í þeim tilgangi að minnka áhrif flugbannsins á hjálparstarfið.

Nú þegar þrír mánuðir eru liðnir frá hamförunum á Haítí vekur breski söngvarinn og velgjörðarsendiherra UNICEF, Robbie Williams, athygli á neyð barna í landinu. Hann hvetur fólk til að gera allt sem það getur til að veita börnum þar hjálparhönd

Í nýlegri skýrslu WHO og UNICEF eru settar fram niðurstöður sem kalla á blendin viðbrögð. Annars vegar er þar fjallað um góðan árangur við að tryggja sem flestum heilnæmt vatn. Hins vegar kemur fram að almennur aðgangur að fullnægjandi hreinlætisaðstöðu sé fjarlægt markmið.

Starfsmaður UNICEF hitti hinn átta ára gamla Jefferson í miðstöð fyrir umkomulaus börn í hjarta Port-au-Prince á Haítí. Jefferson hafði dvalið þar í tvær vikur, einn af þúsund börnum sem höfðu orðið viðskila við fjölskyldur sínar í kjölfar jarðskjálftans mikla 12. janúar síðastliðinn. Horfa á vídeó.

UNICEF mun veita einni milljón barna aðstoð eftir jarðskjálftana í Chile sem hófust 27. febrúar síðastliðinn. Það er enn óljóst hversu eyðileggingin er mikil eftir harða jarðskjálftann í gær. Talið er að yfir 500 manns hafi látist eftir fyrri skjálftann. UNICEF mun veita aðstoð á sviði vatns og hreinlætis, menntunar og verndar.

Í dag verður einn vinsælasti knattsyrnumaður heims, hinn argentínski Lionel Messi, útnefndur sem velgjörðarsendiherra UNICEF. Messi bætist þar með í hóp heimskunnra einstaklinga sem kjósa að nota frægð sína í þágu bágstaddra barna um allan heim og vekja athygli á starfi UNICEF.

Ann M. Veneman, framkvæmdastjóri UNICEF, gaf út yfirlýsingu í dag vegna alþjóðlegs baráttudags kvenna, 8. mars. Hún segir m.a. frá heimsókn sinni í miðstöð fyrir stúlkur sem bjargað hefur verið frá vændi í Gvatemala. Dagurinn minnir okkur á að mikið verk er óunnið, ekki síst við að tryggja stúlkum og konum vernd gegn ofbeldi og mistnokun.

UNICEF er í viðbragðsstöðu eftir jarðskjálftann á Chile síðastliðinn laugardag, sem mældist 8,8 á Richter-skala. Talið er að um 700 manns hafi látist í jarðskjálftanum og 1,5 m. manna hafa misst heimili sín, auk þess sem skólar, sjúkrahús, vegir og aðrar byggingar eyðilögðust.UNICEF hefur ekki hafið alþjóðlega söfnun vegna skjálftanna.

Mánuður er nú liðinn frá því að öflugur jarðskjálfti reið yfir Haítí með skelfilegum afleiðinum fyrir fjölda fólks. Sameinuðu þjóðirnar áætla að yfir þrjár milljónir manna – þriðjungur íbúa á Haíti – hafi orðið fyrir miklum skaða. Afleiðingar hörmunganna bætast ofan á langvarandi fátækt og óstöðugleika á Haítí.

Í nýrri skýrslu Barnahjálpar Sameinuðu þjóðanna (UNICEF), Humanitarian Action Report 2010, kemur fram að UNICEF þarf um 1,2 milljarða bandaríkjadala til að koma börnum og konum til hjálpar á 28 svæðum þar sem samtökin telja að þörfin á neyðaraðstoð sé sérstaklega aðkallandi.

UNICEF hefur hafið umfangsmikið bólusetningarátak á Haítí í samstarfi við heilbrigðistráðuneyti landins og Alþjóðaheilbrigðismálastofnunina (WHO). Átakinu er ætlað að ná til rúmlega hálfrar milljónar barna undir sjö ára aldri sem verða bólusett gegn mislingum, rauðum hundum, barnaveiki, stífkrampa og kíghósta.

UNICEF hefur verið með starfsemi á Haítí frá 1949. Starfsfólk samtakanna hefur smám saman náð að aðlaga sig að erfiðum aðstæðum í kjölfar jarðskjálftans sem skók landið af svo tortímandi mætti  þann 12. janúar síðastliðinn. Hér má sjá viðtöl við starfsfólk og fá innsýn inn í þær aðstæður sem hjálparstarfsfólk glímir við.

Neyðin á Haítí er að stórum hluta neyð barna. Nærri 40 prósent Haítí-búa eru yngri en 14 ára og helmingurinn er yngri en 18 ára. Ýmsar ógnir steðja að fjölda barna á hamfarasvæðinu, s.s. næringar- og vatnsskortur, sjúkdómar og misnotkun og mansals.

Aðstoð berst nú til barna sem fóru illa út úr jarðskjálftanum sem reið yfir Haítí þann 12. janúar. Gríðarleg neyð ríkir þó enn á Haítí. Afleiðingar hörmunganna, þar með talið áhrif jarðskjálftans á heilsu og öryggi barna, bætast ofan á langvarandi ástand fátæktar og óstöðugleika á Haítí.

Fimm flugfarmar af hjálpargögnum frá Barnahjálp Sameinuðu þjóðanna (UNICEF) hafa borist til Haítí síðan að jarðskjálftinn reið yfir. Síðan söfnun UNICEF á Íslandi fyrir fórnarlömb jarðskjálftans á Haítí hófst þann 14. janúar hafa um fjórar milljónir íslenskra króna safnast.

Upplýsingafulltrúi UNICEF, Tamar Hahn, er stödd á Haítí og heldur áfram að lýsa því sem fyrir augu ber. Hún heimsótti börn sem urðu viðskila við foreldra sína í jarðskjálftanum og fékk að heyra sögur þeirra. Hún skrifar einnig um aðstæður fólks og hina gríðarlegu þrautseigju Haítíbúa. Tengil á frásögn hennar má finna hér í fréttinni.

Þúsundir barna hafa misst foreldra sína eða orðið viðskila við fjölskyldur sínar í kjölfar jarðskjálftans á Haítí. Þessi börn eru afar berskjalda gegn ofbeldi og misnotkun. UNICEF leggur mikla áherslu á að tryggja varnarlausum börnum nauðsynlega vernd samhliða því að koma nauðsynlegum hjálpargögnum til ungra eftirlifenda.

Upplýsingafulltrúi UNICEF, Tamar Hahn, er stödd á Haítí og lýsir því sem fyrir augu ber á heimasíðu UNICEF í Bretlandi. Lýsingar hennar eru vægast sagt átakanlegar. Tengil á frásögn hennar má finna hér í fréttinni.

Íbúar Port-au-Prince og annara svæða á Haítí sem fóru illa út úr jarðskjálftanum þann 12. janúar sofa nú margir undir berum himni, umkringdir rústum heimila sinna.  Söfnun UNICEF á Íslandi gengur vel, en nú um helgina höfðu safnast yfir 2,5 milljónir króna. Hægt er að veita framlög hér á síðunni.

Lífsnauðsynleg hjálpargögn berast nú í stórum stíl til Haítí í gegnum birgðanet UNICEF og samstarfsstofnanna. Aukning á aðstoð er lífsnauðsynleg fyrir íbúa Haítí. Söfnun UNICEF á Íslandi er í fullum gangi, en hægt er að veita framlög hér á síðunni eða í gegnum síma 908-1000, 908-3000 og 908-5000.

Geigvænleg eyðilegging blasir við á Haítí í kjölfar jarðskjálftans síðastliðinn þriðjudag. UNICEF hefur opnað fyrir söfnunarnúmerin 908-1000, 908-3000 og 908-5000 til stuðnings við hjálparstarf í þágu barna á Haítí. Einnig er tekið á móti framlögum hér á síðunni.

Afar öflugur jarðskjálfti hefur valdið miklu tjóni á Haíti. Skjálftinn átti upptök sín um 17 kílómetra frá höfuðborginni Port-au-Prince laust fyrir klukkan 22 að íslenskum tíma í gærkvöldi. Fyrstu upplýsingar benda til þess að mannfall sé mikið og skemmdir á mannvirkjum gríðarlegar. 

Fimm ár eru nú liðin frá því að jarðskjálfti við strendur Indónesíu olli risaflóðbylgjum í Indlandshafi. UNICEF hefur gefið út skýrslu með samantekt yfir árangurinn af uppbyggingarstarfi í löndunum átta sem urðu fyrir mannskaða og tjóni af völdum flóðbylgnanna. 

Dauðsföllum af völdum mislinga í heiminum fækkaði úr 733 þúsundum árið 2000 í 164 þúsund í fyrra, eða um 78% á tímabilinu. Á síðustu árum hafa 700 milljónir barna verið bólusettar gegn sjúkdómnum og er talið að þær aðgerðir hafi komið í veg fyrir dauða 4,3 milljóna barna.

Barnasáttmáli Sameinuðu þjóðanna er 20 ára í dag, föstudaginn 20. nóvember. Barnasáttmálinn felur í sér alþjóðlega viðurkenningu á því að börn hafi sjálfstæð réttindi, óháð foreldrum eða forsjáraðilum og að þau þarfnist sérstakrar umönnunar og verndar umfram hina fullorðnu.

Sérstök útgáfa árlegrar skýrslu UNICEF um stöðu barna í heiminum (e. The State of the World's Children) er kynnt í dag. Í skýrslunni er sérstaklega fjallað um áhrif Barnasáttála Sameinuðu þjóðanna og þær áskoranir sem enn standa í vegi fyrir að réttindi barna séu uppfyllt

Um 200 milljón börn í þróunarlöndunum, sem eru undir fimm ára aldri, þjást af vaxtaskerðingu vegna langvarandi vannæringar. Þetta er meðal þess sem kemur fram í skýrslunni Tracking Progress on Child and Maternal Nutrition sem UNICEF hefur gefið út.

Fjórða hvert barn sem lætur lífið fyrir fimm ára aldur deyr af völdum lungnabólgu. Það gerir um tvær milljónir barna á þessum aldri á hverju ári. Enginn annar sjúkdómur á jafnstóran þátt í barnadauða og lungnabólga en á fimmtán sekúndna fresti deyr barn af hans völdum.

Samkvæmt nýrri skýrslu Barnahjálpar Sameinuðu þjóðanna eru nú fleiri börn bólusett gegn banvænum sjúkdómum en nokkru sinni fyrr. Þrátt fyrir það munu að minnsta kosti 24 milljón kornabörn fara á mis við þessa mikilvægu heilsuvernd án frekara fjármagns og bætts aðgengis.

Alþjóðlegi handþvottardagurinn var haldinn hátíðlegur í annað skiptið í síðustu viku. Markmið dagsins er að vekja athygli á því að handþvottur með sápu og vatni er ein albesta og ódýrasta forvörnin sem völ er á gegn fjölmörgum sjúkdómum.

UNICEF í Indónesíu rær nú öllum árum að því að koma börnum, sem urðu fyrir barðinu á öflugum jarðskjálfta þann 30. september sl., til hjálpar. Meðal forgangaatriða samtakanna er að tryggja ómengað drykkjarvatn, koma í veg fyrir útbreiðslu sjúkdóma og dreifa skólagögnum.

UNICEF vinnur nú náið með menntayfirvöldum á Samóa-eyjum við að tryggja að þarlend börn geti haldið skólagöngu sinni áfram eins fljótt og auðið er. Öflug flóðbylgja gekk nýlega yfir eyjarnar og er skólaganga mikilvægur þáttur í að koma lífi barnanna aftur í eðlilegar skorður.

Röð náttúrhamfara á undanförnum dögum hefur haft gífurleg áhrif á milljónir manna í Asíu og á Kyrrahafinu. Frá 26. september hafa alls sex lönd orðið fyrir barðinu á flóðum, hvirfilvindi, flóðbylgju og jarðskjálftum. UNICEF vinnur nú að því að bregðast við neyð barna í þessum löndum.

Starfsfólk frá UNICEF vinnur nú hörðum höndum að því að bregðast við neyðarástandinu í Indónesíu eftir að snarpur jarðskjálfti reið yfir landið á miðvikudaginn. Talið er að allt að þriðjungur þeirra sem þurfa hjálp séu börn.

UNICEF kynnti í gær nýjar niðurstöður sem sýna að dánartíðni barna undir fimm ára aldri hélt áfram að lækka á árinu 2008. Samkvæmt niðurstöðunum hefur barnadauði dregist saman um 28% á árabilinu 1990 til 2008; úr 90 dauðsföllum á hverjar 1000 fæðingar í 65.

UNICEF hefur miklar áhyggjur af þróun mála í norðurhluta Jemen. Talið er að um 150.000 manns séu á vergangi vegna átaka sem þar hafa brotist út og að a.m.k. 60% þeirra séu börn. Vegna átakanna er fjöldi flóttafólks utan seilingar mannúðarsamtaka. 

Tíðni ungbarnadauða, þ.e. hlutfallslegur fjöldi barna sem deyr fyrir fimm ára aldur, hefur um áraskeið verið hæst í Síerra Leóne. Þó ástandið hafi batnað á undanförnum árum er ungbarnadauði þar enn mestur eða 27%. Síerra Leóne er einnig það land í heiminum þar sem tíðni mæðradauða er hæst.

Áætlað er að í lok ársins 2008 hafi um 4 milljónir manna í fátækari ríkjum heims fengið lyfjameðferð við HIV samanborið við 3 milljónir árið 2007 og 400.000 árið 2003. Þetta kemur fram í bráðabirgðagögnum frá WHO, UNAIDS og UNICEF.

UNICEF hefur miklar áhyggjur af mörg þúsundum barna sem hafa hrakist frá heimilum sínum vegna átakanna í Norðvestur-Pakistan á undanförnum vikum. Áætlað er að af tveimur milljónum flóttafólks sé um helmingurinn börn.

Dagana 3. til 7. júlí stóð UNICEF í Gíneu-Bissá, ásamt fleiri samtökum, fyrir viðamiklu heilsuátaki í þágu bissáskra barna undir fimm ára aldri. Áætlað er að um 25.000 börn hafi fengið A-vítamín, aformunarlyf og bólusetningu gegn mislingum.

Ungt fólk víðsvegar að úr heiminum er nú saman komið í Róm til að sitja hinn svokallaða J8-fund. Fundurinn fer fram samhliða fundi leiðtoga stærstu iðnríkja heims, G8, og er af frumkvæði UNICEF. Fulltrúar þátttakenda munu ávarpa leiðtoga G8-ríkjanna í dag.

Í síðustu viku minntist UNICEF dags afrískra barna. Um leið fögnuðu samtökin þeim mikla árangri sem náðst hefur í að bæta lífsafkomu barna í fjölda Afríkulanda á undangengnum árum – þó gríðarlegt verk sé enn óunnið.

Á hverju ári deyja þúsundir og aftur þúsundir barna af völdum malaríu. Samkvæmt nýrri skýrslu hafa moskítónet hins vegar bjargað lífi að minnsta kosti 125.000 barna undir fimm ára aldri.

UNICEF hefur sent út ákall vegna átaka stjórnarhersins og uppreisnarmanna í norðvesturhluta Pakistan. Samtökin áætla að þau þurfi 41,4 milljón bandaríkjadali til að standa undir nauðsynlegri aðstoð við fólk á flótta undan átökunum. Yfir helmingur þeirra sem eru á vergangi eru börn.

UNICEF hefur fordæmt skelfileg áhrif átakanna á Sri Lanka á börn. Samtökin hafa jafnframt skorað á stjórnvöld í landinu að draga úr hernaðaraðgerum sínum til að tryggja öryggi óbreyttra borgara og skorað á LTTE að hleypa óbreyttum borgurum frá átakasvæðinu.

Ár er nú liðið frá því að jarðskjálfti af stærðargráðunni 8,0 á Richter-skala reið yfir Sichuan-umdæmi í Kína. Á undanförnum tólf mánuðum hefur UNICEF varið 20 milljónum bandaríkjadala í neyðaraðstoð vegna hamfaranna.

UNICEF, ásamt öðrum stofnunum Sameinuðu þjóðanna, er tilbúin til að aðstoða stjórnvöld í Mexíkó ef H5N1-veiran, hin svokallaða „svínaflensa“, heldur áfram að breiðast út.

Um hundrað þúsund óbreyttir borgarar, þar af þriðjungur börn, hafa flúið undan sókn stjórnarhers Sri Lanka inn á eina svæðið sem enn er undir stjórn skæruliða Tamíl-tígranna. Tugir þúsunda eru innikróaðir á átakasvæðinu.

Á alþjóðlegum heilsudegi, 7. apríl 2009, er lögð áhersla á mikilvægi heilsugæslu á neyðarsvæðum. Hinn alþjóðlegi dagur er haldinn til að fagna stofnun alþjóðaheilbrigðisstofnunarinnar eða World Health Organization.

UNICEF vinnur nú hörðum höndum með yfirvöldum og þeim félagasamtökum sem eftir eru í Súdan að því að komast til móts við þarfir barna eftir að ríkisstjórn landsins bannaði starfsemi 16 frjálsra félagasamtaka (NGOs). Hömlun á hjálparstarfi stefnir mikilvægum verkefnum í hættu og þar með lífi hundruð þúsunda barna.